Cours de paléographie N° 35

Niveau de difficulté : ****

Située sur l'actuelle commune d'Heugnes, l'abbaye de Miseray fut fondée en 1142 pour des chanoines réguliers de l'ordre de saint Augustin par des chevaliers proches du seigneur de Buzançais. Document conservé aux Archives départementales de l'Indre sous la cote H 326 f° 6

Au début du XVIe siècle, les religieux ont copié quelques-uns de leurs principaux titres, dont l'acte à transcrire, une vente du XIVe siècle (H 326).

Le document, autrefois en piètre état, a été restauré, ce qui permettra d'améliorer l'analyse de l'inventaire sommaire de 1876. Ecriture régulière, de petit module.

Pour vous aider : la date de paiement d'une redevance est la fête d'un successeur de saint Martin...

Transcription :

[En marge : La vandition de / Guillaume de Pazay / faicte a monsieur (de) / l'abbé de Miseray]
[1] Saichent tous présents et advenir que en droit en la
[2]court de monseigneur le duc de Tourayne a Chastillon sur Ymdre
[3]par davant present personnellement estably Guillaume de Pazay, escuyer,
[4]a congneu et confessé en droict en ladite court que il, de son bon
[5]gré et de sa bonne, pure, franche et liberale volunté, sans nul
[6] parforcement et sans estre ad ce admené, induit, parforcé, conseillé, molesté,
[7] adprehendé ne comtrainct par aucune machination ou decepvance
[8] quelcumques, mes de son bon peür, esmouvement, vray proupoust,
[9] memoyre et certayne science, comme bien advisé, pourveu et ad...
[10] et indoctriné de son faict et de son droict, s'il comme il disoit,
[11] a vandu et octroyé, vent encore par la teneur de ses présentes lettres
[12] et occtroye par luy, ses hoirs et pour ceulx qui ont et auront cause
[13] de luy a toujours mes perpetuellement a heritaige, a tres relligieuses
[14] personnes et honnestes l'abbé et convant de l'abbaye de Miseray
[15] on diocese de Bourges, a leurs successeurs et a ceulx qui auront
[16] cause d’eulx, touttes et chaiscunes les chouses qui ensuivent estant
[17] et seans es parroysse d’Heugne, de Jeu et de Celle sur Nahon, c’est
[18]a sçavoir les terraiges des blez que ledit Guillaume a et qui luy appartien[nent]
[19] en la parroisse d’Heugne partant ou lesdits relligieulx et ou le seigneur
[20] de Busançoys. Item tous les oblaiges et advenaiges et gellines
[21] et les cens deuz et randeuz par chascun an au jour de la sainct
[22] Bryz et tout ce partant avesques lesdits relligieulx et la dame
[23] de Prye. Item tous et chascuns les advenaiges et coustumes deuez
[24] a cause des boys d’Oignons deuez es parroisses de Jeu, d’Heugn[e]
[25] et de Celles sur Nahon, c’est a sçavoir au puy de Sainct Genoulx, de
[26] Chanteloue partant avesques lesdits relligieulx et ou tout ce, toutes
[27] et chaiscunes les chouses que ledit vandeur a puit et droict
[28] d’avoir a qui a luy appartiendra en ladite parroisse d’Heugne,
[29] saulve et excepté, reservé et retenu audit Guillaume les hommes
[30] et femmes qu'il y a et puit avoir esdite parroisse, lesquelles
[31] chouses dessusdites luy sont adveneuz et escheues a cause de
[32] la mort, succession et eschoyste de